Xueves 11 d’avientu
19:00 h. Plaza del Vaticano (Avilés)
La Corriente Sindical d’Izquierda fai un llamamientu a la clas obrera asturiana, a participar na manifestación convocada polos y poles trabayadores d’Alcoa, que va salir de la plaza’l Vaticanu d’Avilés (Asturies), a les 19:00 h., el próximu xueves 11 d’avientu.
El control de la enerxía eléctrica, que los estremaos gobiernos cedieron a les compañíes eléctriques y la nueva orientación productiva d’Alcoa, con enormes inversiones n’otros países, como Arabia Saudina, tórnense nuna pinza que, como en tantes otres ocasiones, puede acabar dexando tiraos y tiraes na cai a cientos de trabayadores.
La riestra d’empreses pesllaes dende va unos años, ye interminable. Dellos datos ponen de relieve que, nos caberos cinco años, podríen haber zarráu más de 4.000 empreses n’Asturies, munches d’elles, dempués d’esbardiar importantes subvenciones públiques.
Asina, lleguemos a la situación d’anguañu: más de 100.000 persones en paru, más de 40.000 families asturianes con tolos sos miembros en paru; más de 200.000 persones perbaxu l’estragal de la probitú, ente un terciu y la metada los y les pensionistes cobren menos de 600 euros, el 60% de la mocedá ta ensin empléu y nin siquier los alimentos tán garantizaos pa toos y toes.
Poro, dende la CSI afalamos a los y les trabayadores d’Alcoa a caltener la xunidá de la so Asamblea y defendela como únicu preséu válidu de decisión, movilización y negociación.
¡CADA PUESTU TRABAYU, UNA TRINCHERA!.
¡EN ALCOA NIN PIESLLE NIN DESPIDOS!
¡ALCOA NUN SE CIERRA!.
Más info: CSI Asturies
0 comentarios :
Publicar un comentario