El prósimu 4 d’avientu los docentes asturianos tan llamaos a les urnes pa escoyer los representantes sindicales nel enseñu.
Por InfoAsturies
La estaya d’educación de la Corriente Sindical d’Izquierda ta en campaña sindical col oxetivu de treformar el mou de facer sindicalismu n’Asturies, cola campaña “Engánchate a la Corriente”. Critíquen que parte del problema actual nel enseñu y nel ámbitu llaboral son “los sindicatos institucionalizaos que se porten como un apéndiz del estáu, como una institución d'intermediación llaboral, como una axencia de servicios o como un club de descuentos”. Nesi sen, apuesten por otru mou de facer sindicalismu al traviés de l’autoorganización de los y les trabayadores n’Asamblees horizontales permanentes cómo másimu muerganu de decisión y d’actuación. Amás, apuesten por refugar de la figura del “lliberau sindical”.
Son munches les cuestiones que dende la CSI reivindiquen, y toes elles podéis atopales nel so blogue. Algunes d’elles son les que vienen darréu:
- Defensa de l’enseñu públicu
- Amenorgar la carga llectiva del profesoráu.
- Reversión de los retayos. Carga llectiva de 18 hores en secundaria, ratio de 20 n'infantil, cubrir les baxes de manera inmediata, retribución al 100% por ILT.
- Conversión del actual complementu de productividá nun complementu d'homologación salarial pa toos y toes, colectivu interín incluyíu, y ensin contrapartidas llaborales.
- Xubilación parcial pa los mayores de 55 y afitamientu del drechu de xubilación pa los mayores de 60.
- Convocatoria amplia d'empléu públicu basada nes necesidaes educatives
- Creación de les especialidaes d’asturianu y de gallego-asturiano nos cuerpos docentes y convocatoria d’oposiciones.
- Promoción del usu de l’asturianu y del gallego-asturiano
- Derechu a recibir escuela d’asturianu y de gallego-asturianu en tolos niveles educativos
- Non a la LOMCE.
Amás, dende la CSI lluchen “por una enseñanza distinta na llucha por una sociedá distinto. Nun val col cálter públicu de la propiedá de los centros educativos y del empleador de les y los sos trabayadores. Entendemos la enseñanza pública d'una manera más amplia. La que pretende formar persones cultes, conscientes y crítiques, esperimentar nueves formes d'enseñar, romper col Taylorismo educativu, construyir sobre valores democráticos, laicos, participativos ya inclusivos. La escuela pública de toes/toos y pa toes/toos”.
El programa íntegru podeís atopalu nesti enllace y descargar el trípticu na parte baxa d’esta noticia.
0 comentarios :
Publicar un comentario