El procesu de tramitación de la LOMCE ta entrando na so fase final. El pasáu xueves 26 de setiembre votáronse les enmiendes plantegaes al testu. Depués de la aprobación nel Congresú va ser unviada al Senáu, onde tmaién van tener que revisala. La so aprobación definitiva podría producise a finales del payares o entamu d'avientu.
les novedaes del nuevu testu de la llei tres esti trámite son les que aporta'l grupu del Partíu Popular y dalgunes de los partíos de la derecha como Foro o UPyD, les más significatives son les siguientes:
1. Axentes privaos na educación pública.
Los docentes de la enseñanza privada van poder dicir si un alumnu o alumna pasa a la siguiente etapa de sus estudios, de la Secundaria al Bachilleratu o d'esti a la Universidá. Hasta agora yeren los funcionarios de carrera los únicos que podíen correxir pruebes d'accesu como la selectividá. En su dictamen, el Consyu del Estáu yá reprochó al Gobiernu que la evaluación de les reválides "nun se dicen si se van a executar por profesores del sistema públciu, por profesores contrataos o por empreses privaes". Agora too queda esclariao.
2. Suelu regalao de baldre a empreses privaes.
Autorízase a les Comunidaes Autónomes a convocar concursos públicos pa ceder suelu públicu pa la construcción y xestión de colexos concertaos. Esto ye un vezu na comunidá de Madrid na qu'hai fechos 90 centros privaos en suelu públicu, aprovechando los resqueicios llegales que-yos dexó l'anterior llei educativa del gobiernu del PSOE. Agora ye institucionlízase y consolídase. Los centros qu'estremen a neños y neñes nes aules, trataos yá n'igualdá, van poder recibir igualmente suelu públicua pa facer les sos instalaciones.
3. Docentes contrataos a deu.
Les enmiendes abren camín pa la contratación de profesoráu nativu pa llingues foriatos al marxe de los mecanismos d'accesu a la función pública docente. Otra vuelta, se trata d'una llegalización de les práctiques duldoses de la Comunidá de Madrid.
4. Notes a los directores polos resultaos del so alumnáu.
Caltiénense los procesos del director como un responsable del personal, d'un conseyu escolar desaposiáu de les sos funciones decisories y acéptase la enmienda d'UPyD del artículu 136 de la LOMCE que permitiría renovar el so cargu a un director tres una evaluación previa que tenga en cuenta los resultaos del alumanáu del cetnru nes pruebes esternes.
5. El profesoráu como autoridá pública.
Otra de les enmiendes aceptaes a propuesta d'UPyD contempla que s'incluya al profesoráu cono autoridá pública. Na práctica esta midía yá ta enllantada en dalgunes c Comunidades Autónomes del PP y n'Asturies AMPE y la derecha tuvieron tiempu faciendo demagoxa con esto hasta que lo consiguieron. Lo que se fai ye xudicializar los problemes de convivencia nes aules envede atayar les causes del problema.
6. Un bachilleratu menos.
Xúntense los Bachilleratos d'HUmanidaes y Ciencies Sociales pa según el PP "aprovechar las ventajas de los centros desde un punto de vista organizativo" La realidá ye otra, trátase d'una despaición mal disimulada del Bachilleratu de Ciencies Sociales yá que les meteries troncales del nuevu pasen a ser les d'Humanidaes. Vuélvese entóncenes a la vieya disyuntiva de Ciencies o Lletres y los estudios de Bachilleratu con esta midida faense un pocu más áridos pa dellos estudioantes.
7. La educación nun tien por qué ser un serviciu públciu.
El PP afonda na so cruzada ideolóxica. Alcen el supuestu derechu qu'asisten a determinaes families a la elección d'un centru conforme a les sos preferencies relixoses o ideolóxiques a la categoría de principiu educativu. Redefinen el sistema educativu como'l conxuntu d'axentes públicos y privaos que "desenvuelven funciones de regulación, financiación o de prestación de servicios pal exerciciu del drechu a la educación". Yá nun hai mención al "SERVICIU PÚBLICU EDUCATIVU" el derechu a la educación podría ser un serviciu dáu por axentes privaos.
¡A LA FUELGA!
Escontra esto ye colo qu'hai qu'engarrase como demuestren dende Baleares, la unidá y la resistencia de tola comunidá educativa frente a los retayos. El 24 d'ochobre hai plantegada una nueva fuelga estatal en tola enseñanza pública que sofiten organizaciones de docentes, de pas y mas y estudiantes. Nun puedes permancer impasible o mirando pa otru llau repitiendo'l mantra "nun sirve pa ná" mientres dinamiten a estazón lo que queda de la enseñanza públcia, anque solo seya por dignidá, el 24 d'ochobre para.
5. El profesoráu como autoridá pública.
Otra de les enmiendes aceptaes a propuesta d'UPyD contempla que s'incluya al profesoráu cono autoridá pública. Na práctica esta midía yá ta enllantada en dalgunes c Comunidades Autónomes del PP y n'Asturies AMPE y la derecha tuvieron tiempu faciendo demagoxa con esto hasta que lo consiguieron. Lo que se fai ye xudicializar los problemes de convivencia nes aules envede atayar les causes del problema.
6. Un bachilleratu menos.
Xúntense los Bachilleratos d'HUmanidaes y Ciencies Sociales pa según el PP "aprovechar las ventajas de los centros desde un punto de vista organizativo" La realidá ye otra, trátase d'una despaición mal disimulada del Bachilleratu de Ciencies Sociales yá que les meteries troncales del nuevu pasen a ser les d'Humanidaes. Vuélvese entóncenes a la vieya disyuntiva de Ciencies o Lletres y los estudios de Bachilleratu con esta midida faense un pocu más áridos pa dellos estudioantes.
7. La educación nun tien por qué ser un serviciu públciu.
El PP afonda na so cruzada ideolóxica. Alcen el supuestu derechu qu'asisten a determinaes families a la elección d'un centru conforme a les sos preferencies relixoses o ideolóxiques a la categoría de principiu educativu. Redefinen el sistema educativu como'l conxuntu d'axentes públicos y privaos que "desenvuelven funciones de regulación, financiación o de prestación de servicios pal exerciciu del drechu a la educación". Yá nun hai mención al "SERVICIU PÚBLICU EDUCATIVU" el derechu a la educación podría ser un serviciu dáu por axentes privaos.
¡A LA FUELGA!
Escontra esto ye colo qu'hai qu'engarrase como demuestren dende Baleares, la unidá y la resistencia de tola comunidá educativa frente a los retayos. El 24 d'ochobre hai plantegada una nueva fuelga estatal en tola enseñanza pública que sofiten organizaciones de docentes, de pas y mas y estudiantes. Nun puedes permancer impasible o mirando pa otru llau repitiendo'l mantra "nun sirve pa ná" mientres dinamiten a estazón lo que queda de la enseñanza públcia, anque solo seya por dignidá, el 24 d'ochobre para.
0 comentarios :
Publicar un comentario