¡¡¡RUEMPE LES CADENES Y REBÉLATE ESCONTRA’L PATRIARCÁU PORQUE…!!!
PROVOCA MIEU: Mieu a ser refugaes, violaes, afrellaes. Mieu a falar, a denunciar, a mirate nel espeyu, a salir sola a la cai, ya inclusive, a vivir sola porque quieren faenos pensar que dependemos d’un home pa ser felices.
MATA: Nun podemos dexar que más muyeres muerran nin sían afrellaes por causa de la violencia machista. Nin una sola muyer más con signos de violencia, nin un solu home detrás de la tortura. Nin un solu home más que decida por nós, porque nos nuesos cuerpos y les nueses vides DECIDIMOS NÓS.
SEGREGA: Un sistema basáu na relixón machista y na imaxe de la muyer en segundu planu. Muyer que naz de la costiella del home, que ye pecadora y ruempe l’equilibriu por comese una mazana y polo, ten de ser sometida a les esixencies de los homes. Nin una sola relixón que nos faigan sentir inferiores y culpables. ¡¡¡¡FORA LOS ROSARIOS DE LOS NUESOS OVARIOS!!!
MALEDUCA: La normativa educativa que se llevó a cabu al traviés d’esti sistema capitalista y patriarcal, formó a la muyer dende’l puntu de vista de la domesticidá (la muyer hai de ser madre, bona esposa y alministradora del llar) que subordina respectu al varón y la encauza hacia la vida matrimonial.
¡¡¡ RUEMPE LES CADENES Y LLUCHA POR…!!!
Los derechos de toles muyeres a decidir sobre les nueses vides, porque nós sí que somos PROVIDA, lluchamos poles muyeres que quieren ser madres por que tengan les meyores condiciones de vida, pero tamién lluchamos por toles muyeres que deciden que nun quieren o pueden selo. ¡¡Lluchamos por que l’albuertu sía llegal, seguru y gratuitu pa toes, ensin plazos nin supuestos!!!
Tener una xusticia que nun caltenga la estructura capitalista patriarcal que dexa a la muyer nuna posición indefensa. ¡Non más lexislación que oprima a la muyer!
PROVOCA MIEU: Mieu a ser refugaes, violaes, afrellaes. Mieu a falar, a denunciar, a mirate nel espeyu, a salir sola a la cai, ya inclusive, a vivir sola porque quieren faenos pensar que dependemos d’un home pa ser felices.
MATA: Nun podemos dexar que más muyeres muerran nin sían afrellaes por causa de la violencia machista. Nin una sola muyer más con signos de violencia, nin un solu home detrás de la tortura. Nin un solu home más que decida por nós, porque nos nuesos cuerpos y les nueses vides DECIDIMOS NÓS.
SEGREGA: Un sistema basáu na relixón machista y na imaxe de la muyer en segundu planu. Muyer que naz de la costiella del home, que ye pecadora y ruempe l’equilibriu por comese una mazana y polo, ten de ser sometida a les esixencies de los homes. Nin una sola relixón que nos faigan sentir inferiores y culpables. ¡¡¡¡FORA LOS ROSARIOS DE LOS NUESOS OVARIOS!!!
MALEDUCA: La normativa educativa que se llevó a cabu al traviés d’esti sistema capitalista y patriarcal, formó a la muyer dende’l puntu de vista de la domesticidá (la muyer hai de ser madre, bona esposa y alministradora del llar) que subordina respectu al varón y la encauza hacia la vida matrimonial.
¡¡¡ RUEMPE LES CADENES Y LLUCHA POR…!!!
Los derechos de toles muyeres a decidir sobre les nueses vides, porque nós sí que somos PROVIDA, lluchamos poles muyeres que quieren ser madres por que tengan les meyores condiciones de vida, pero tamién lluchamos por toles muyeres que deciden que nun quieren o pueden selo. ¡¡Lluchamos por que l’albuertu sía llegal, seguru y gratuitu pa toes, ensin plazos nin supuestos!!!
Tener una xusticia que nun caltenga la estructura capitalista patriarcal que dexa a la muyer nuna posición indefensa. ¡Non más lexislación que oprima a la muyer!
Derechos sociales que garanticen a les muyeres l’accesu a una vida digna y calidable.
Educación basada na igualdá y el respetu que nun sometan a les muyeres dende pequeñes a roles enriaos al cuidu de los demás, a la maternidá y al matrimoniu.
Derechos llaborales que nun subordinen a la muyer a tener trabayos precarios, menos valoraos, sexistes, clasistes…IGUAL TRABAYU, IGUAL SALARIU, IGUAL CONSIDERANCIA SOCIAL. ¡Porque somos muyeres obreres y la nuesa llucha ta na cai!
Acabar colos estereotipos machistes que nos conderguen a les muyeres a cómo vistir, cómo actuar, cómo ser, cómo pensar…
Una sexualidá llibre de tapuxos y d’estereotipos na que la familia perfecta nun sía solo ente homes y muyeres.
Lliberar de la opresión que provoca la ilesia y los sos mandamientos ante les muyeres. NUN SOMOS D’ELLOS, NIN DE LA SO COSTIELLA, NIN DEL SO MACHISMU.
Esaniciar propaganda machista de los medios de comunicación que dexen a la muyer nuna posición d’inferioridá.
Sabemos que ye un trabayu duru, y el camín llargu. Otres compañeres y compañeros primero que nós lo percorrieron. Tócanos coyer el testigu de la llucha pola igualdá plena de toles persones.
Porque una vegada más vamos tar na cai toos y toes pa lluchar escontra les inxusticies.
Porque lluchamos pola sanidá pública y universal, la educación pública y calidable, los servicios sociales, por que nun desmantelen Asturies, pol trabayu pa toos y toes n’igualdá de condiciones, contra los desahucios, el racismu, el fascismu y machismu, y tamos en toles lluches en xeneral empuestes a construyir una sociedá xusta.
Porque los derechos consígense y deféndense lluchando.
Güei tócanos a nós, mañana puede ser a cualesquier.
Recuperemos na cai lo que mos roben nos despachos.
¡¡ VEN A LA MARCHA VIOLETA Y SOFITA A LES MUYERES NA SO LLUCHA, LA NUESA LLUCHA, LA DE TOES Y TOOS!!
¡¡XÚNITE A LA REVOLUCIÓN FEMINISTA Y LLUCHA CONTRA EL PATRIARCÁU!!
Más info: CSI Asturies
0 comentarios :
Publicar un comentario