Cola nueva estructura del currículum qu’espeya la LOMCE, Asturies, al nun tener l’asturianu como OFICIAL, pasa al nivel D’ASIGNATURA ESPECÍFICA VARIABLE;
eso ye qu’en PRIMARIA y na ESO el únicu encaxe posible ye el que dexen los artículos 18. 4 y 24.5 "Además, los alumnos podrán cursar como máximo otra área más en el bloque de asignaturas de especialidad, en función de la regulación y de la programación de la oferta educativa que establezca cada Administración educativa y de la oferta de los centros docentes, que podrá ser el área del bloque de asignaturas específicas no cursada, o un área a determinar por la Administración educativa o por el centro docente” ye dicir, l’asturianu queda a mercé de la administración rexonal de turnu y nel casu de que optará por ceder esa potestá a los centros serán los equipos directivos en centros públicos o los propietarios en el casu de centros privaos. Por embargu, van tener que cursar en tolos cursos de Primaria y ESO Relixón o Valores Culturales y Sociales (consideraes asignatures específicas de cálter obligatoriu)
eso ye qu’en PRIMARIA y na ESO el únicu encaxe posible ye el que dexen los artículos 18. 4 y 24.5 "Además, los alumnos podrán cursar como máximo otra área más en el bloque de asignaturas de especialidad, en función de la regulación y de la programación de la oferta educativa que establezca cada Administración educativa y de la oferta de los centros docentes, que podrá ser el área del bloque de asignaturas específicas no cursada, o un área a determinar por la Administración educativa o por el centro docente” ye dicir, l’asturianu queda a mercé de la administración rexonal de turnu y nel casu de que optará por ceder esa potestá a los centros serán los equipos directivos en centros públicos o los propietarios en el casu de centros privaos. Por embargu, van tener que cursar en tolos cursos de Primaria y ESO Relixón o Valores Culturales y Sociales (consideraes asignatures específicas de cálter obligatoriu)
Pal Bachilleratu, el encaxe entraría dientro de los artículos 34 bis 7 34 ter. 7 “Además, en función de la regulación y de la programación de la oferta educativa que establezca cada Administración educativa y de la oferta de los centros docentes, los alumnos podrán cursar un mínimo de una y máximo de dos materias más en el bloque de asignaturas de especialidad, que podrán ser (Educación Física en 2º) una materia del bloque de asignaturas específicas no cursada, o una materia a determinar por la Administración educativa o por el centro docente.”
Nel borrador del testu de la LOMCE fala de manera clara del bloque de les asignatures d’especidalidá onde tolos alumnos y alumnes van tener que cursar la materia de Llingua Cooficial y Lliteratura naquellos territorios que poseyan dicha llingua oficial.
¿Y n’Asturies? ¿Qué va pasar cola asignatura de Llingua y Lliteratura Asturiana?
La Llingua Asturiana va pasar por tar en grave peligru de desapaición TOTAL o PARCIAL del sistema educativu públicu, mentanto la Relixón va tar presente de MANERA OBLIGATORIA EN TOLES ESTAYES, dientru dùn sistema públciu laicu.
A l’Asignatura de Llingua, nun-y queda más marxe que metela dientro de les especifiques variables y competir tamién na Primaria, (como pasa anguaño en Secundaria y Bachilleratu), en condiciones d’inferioridá y prestixu, a sabiendes de que la llingua asturiana ye un bien cultural y patrimonial de los asturianos y asturianes, con otres llingues y otres materies, ampliando’l marcu llegal que da la posibilidá de que nun sea ufiertada por parte de los centros docentes, quienes podríen tener potestá de poder facer y desfacer lo que yos preste. Ye dicir, a lo meyor dalgunos centros prefieren tener na so “carta educativa” un taller de matemátiques en vez de Llingua Asturiana en Primaria. O tener que tar a la espectativa de la opinión de los centros respecto cuestiones que van acullá de la materia: los non favoratibles al Asturianu, tienen carta blanca pa borralu del currículum ensin torgues.
Consecuencies
La primer consecuencia sería:
L’IMCUMPLIMIENTU DAFECHU del art. 4 del ESTATUTU D'AUTONOMÍA D'ASTURIES y el so desarrollu al traviés de la Llei 1/1998 de 23 de marzu d’usu y promoción del bable/asturianu del 10 referente al currículum y 11 porque entovía tamos naguamos pol Decretu Curricular del Asturianu na Educación Infantil y la so implantanción con NORMALIDÁ dientro d’esta etapa, al igual que otres materies.
L’IMCUMPLIMIENTU DAFECHU del art. 4 del ESTATUTU D'AUTONOMÍA D'ASTURIES y el so desarrollu al traviés de la Llei 1/1998 de 23 de marzu d’usu y promoción del bable/asturianu del 10 referente al currículum y 11 porque entovía tamos naguamos pol Decretu Curricular del Asturianu na Educación Infantil y la so implantanción con NORMALIDÁ dientro d’esta etapa, al igual que otres materies.
Otru ataque más a los y les FALANTES y el derechu que tienen al deprendimientu CON DIGNIDÁ, NORMALIDÁ y en condiciones D’IGUALDÁ de la llingua asturiana lo que conlleva col pasu del tiempu menos falantes y la DESAPAICIÓN del asturianu nel dientro del mapa llingüísticu mundial y con ello un bien patrimonial y cultural, base de la cultura asturiana.
L’ataque directu otra vegada más, al derechu que tienen LES FAMILIES que quieren que los sos fíos y fíes estudien llingua asturiana en toles estayes educatives (Infantil, Primaria, ESO y Bachiller).
El desprestixu y despreciu social hacia los y les docentes (munchos van dir pa medrar les llistes del paru), llingüistas y filólogos, investigadores ya instituciones formales (Universidá d’Uviéu, UABRA y ALLA); a la cultura asturiana, a les entidaes y persones qu’esparden l’asturianu día tres día (músicos y artistes, creadores, escritores, normalizadores, falantes trabayaores, editores, asociaciones de tou tipo, etc…)
¿De quien ye la másima responsabilidá d’esto?
Nun primer términu pue paecenos irrisorio pero, acullá del anteproyectu LOMCE, al que plantegamos un rechazu total por su cálter antidemocráticu, mercantilista, segregador y esclusionista, nél hai espaciu pa les llingues cooficiales en toles estayes educatives ("Nel bloque d’asignaturas de especialidá, tolos alumnos deben cursar Llingua Cooficial y Lliteratura naquellas Comunidaes Autónomes que poseyan dicha llingua cooficial"). El másimu culpable de la posible desapaición total o parcial de la llingua del sistema educativu YE’L GOBIERNU D’ASTURIES pol poco procuru y sensibilidá hacia esti tema, pola falta de protección xurídica, abandonu y marxinación institucional y nula promoción, continuos incumplimientos de la Llei d’Usu en toles cuestioens (toponimia, oralidá y protección, etc…), prexuicios y arrequexamientu hacia los y les falantes…y d’otru llau la falta sitiu na LOMCE, pa les llingues minoritaries falaes en territorios del Estáu Español que nun sean cooficiales, como la nuestra.
Paeznos qu’esti ye un bon momento pa volver a recordar, AGORA MÁS QUE NUNCA y dexisir al GOBIERNU ASTURIANU el rechazu firme a la cesión de currículu a los centros educativos, la inclusión de la Llingua en toos los niveles educativos, la CREACIÓN DE LA ESPECIALIDÁ (promesa de la Conseyera d’Educación y Cultura nesta llexislatura), LA SO INCLUSIÓN NEL DECRETU ESTATAL D’ESPECIALIDAES y LA CONVOCATORIA D’OPOSICIONES.
Estes son les reivindicaciones mínimes de dignificación pero sabedores de que la meyor solución será LA OFICIALIDÁ.
____________________________________________
[1] Cuando falamos del Asturianu tamién nos referimos al GALLEGO-ASTURIANU, pa lo que pidimos lo mesmo y de la mesma forma.
0 comentarios :
Publicar un comentario