El prósimu miércoles, 7 de payares, tá convocada una movilización empleadas y empleaos públicos na que se pretende axuntar a tolos sectores de les Alministraciones d'Asturies al roidu de:
“ESCONTRA LOS RETAYOS Y EN DEFENSA DE LOS SERVICIOS PÚBLICOS”
La movilización, consistirá en tres MARCHES POR SECTORES, que van xuntase na Estación de Renfe d'Uviéu, onde entamará una Manifestación dende les 18 hores.
Les tres Marches de los distintos Sectores, van arrancar a les 17 hores de tres sitios distintos.
La Marcha Verde, d'Educación, saldrá de la Plaza España.
La Marcha Blanca, de Sanidá, saldrá de la Plaza'l Carbayón.
La Marcha Negra, d'Alministración Xeneral, saldrá de la Cai Coronel Aranda.
La Marcha Verde, d'Educación, saldrá de la Plaza España.
La Marcha Blanca, de Sanidá, saldrá de la Plaza'l Carbayón.
La Marcha Negra, d'Alministración Xeneral, saldrá de la Cai Coronel Aranda.
Esta iniciativa surde de la Xunta de Personal Funcionario de l'Alministración Autonómica y dende esti órganu de representación treslladar a la Plataforma Sindical, promovida por UXT y CCOO, na que participen distintes organizaciones sindicales y corporatives. Esta Plataforma asumió la preparación de la convocatoria.
La Corriente Sindical d’Izquierda, que como organización más representativa ente'l personal funcionario de l'Alministración Asturiana ostenta la Presidencia de la Xunta de Personal, y como sindicatu promotor igualmente d'esta iniciativa, quier llamar a tolos emplegaos públicos asturianos a la so participación masiva nesta nueva movilización, que tien de contribuyir a atayar los ataques que tamos sufriendo como trabayadores y tamién a les agresiones contra unos servicios públicos asturianos de calidá.
Creemos necesaria la llucha sostenida de el trabayadores y trabayadores contra los retayos y la destrucción de les conquistes social y llaboral. Tamos comprometíos coles movilizaciones que tiendan a la unidá de los distintos colectivos llaborales. Esa unidá ye lo que nos dará la fuerza necesario pa parar los ataques, si amás tenemos decisión y escamplaos los oxetivos.
Ye hora d'axuntar toles fuerces, anque dalgunes de les organizaciones presentes na convocatoria nun vaigan más allá d'intereses parciales o nun cuestionen de forma global les lóxiques neolliberales de les que se deriven los retayos. La Corriente Sindical d’Izquierda va participar viviegamente nesta movilización; de forma crítica, pero con total decisión, porque l'enemigu ta tan fuerte que toles fuerces son poques pa para-y los pies
¡¡¡ ACUDE A LA MARCHA MULTICOLOR!!!
¡¡¡ PARTICIPA CON TU SECTOR Y SOFITA LA MANIFESTACIÓN!!!
¡¡¡ PARTICIPA CON TU SECTOR Y SOFITA LA MANIFESTACIÓN!!!
¡¡¡ ESCONTRA LOS RETAYOS Y EN DEFENSA DE LOS SERVICIOS PÚBLICOS!!!
CSI Sanidá, CSI Educación, CSI Xusticia y CSI Alministración Pública
Descargar convocatoria
0 comentarios :
Publicar un comentario