Ante'l nuevu ataque a l'asignatura de la llingua asturina y gallego-asturianu esta vez por mor del nuevu currículu plantegáu pola Conseyería d'Educación d'Asturies de E.S.O. y Bachilleratu, dende la Xunta de Personal Docente quermos manifestar


Concentración urxente en defensa de de la llingua asturiana nel sistema educativu xueves 26 de xunu de 2014 a les 16:30 h.
Ente la Xunta Xeneral del Principáu d'Asturies, C/ Furela, 13 (Uviéu)
Más info:ACCIÓN URXENTE #sosasturianlanguage na Xunta Xeneral

POLA POSIBILIDÁ D'ESTUDIAR LLINGUA ASTURIANA EN TOLOS CENTROS Y NIVELES EDUCATIVOS  
(Asamblea de docentes de llingua asturiana/gallego-asturiano, Xunu 2014)

TERCER BORRADOR LOMCE
(Tercer borrador LOMCE, 14/02/2013)
No que finca a la llingua asturiana:
La Llingua asturiana atopa'l so acomodu llegal na LOMCE: “Aquelles Comunidaes Autónomes nes qu'esistan llingües non oficiales que gocen de protección llegal van ufiertar, nel so casu, nel bloque d'asignatures de llibre configuración autonómica, nos términos que determine la so normativa reguladora.”


Concentración POLA DIGNIDÁ DEL ASTURIANU el prósimu xueves 7 de marzu de 2013 a les 18:30 h. 
DELCARACIÓN DEL PROFESORÁU DE LLINGUA ASTURIANA Y GALLEGO ASTURIANU (Asamblea Docentes de Llingua Asturiana y Gallego-asturianu del martes 15 de xineru de 2013, nel IES Aramo) 

El profesoráu de Llingua asturiana, aconceyáu'l martes 15 de xineru nel IES Aramo d'Uviéu quier manifestar a la opinión pública les siguientes cuestiones: 
  • Cola publicación del segundu anteproyectu de reforma educativa, que divide a les asignatures en tres grupos, “troncales”, “específiques” y “d'especialidá”, nin la Llingua Asturiana nin el Gallego-Asturiano tienen posibilidá de caltenese nel sistema educativu. Nuevamente, la falta d'estatus d'oficialidá de la Llingua supón una torga pala so presencia y el so desarrollu normalizáu na sociedá. 
  • Esti retrocesu del principal padremuñu cultural d'Asturies tien repercusiones pergraves nel ámbitu educativu. Dempués de 30 años d'implantación curricular, onde la población asturiano exerció'l derechu a estudiar la so llingua, atópase cola imposibilidá de siguir faciéndolo, emprobeciendo'l conocimientu d'elementos fundamentales de la so cultura. Supón, amás, un incumplimientu de la Carta Europea de les Llingües Minorizaes, roblada pol Reinu d’España, y entraría en contradicción col propiu Estatutu d’autonomía asturianu.
  • Les repercusiones a nivel llaboral, dau'l contestu económicu, nun necesiten munches esplicaciones: nestos momentos alrededor de 230 profesores que tán poniendo clase d'Asturianu y Gallego-asturianu na rede pública quedaríen ensin trabayu. Profesores que, hasta agora, vienen exerciendo la so función nunes condiciones enforma revesoses y precaries.
  • Por too ello desiximos al Gobiernu asturianu, non solo qu'utilice tolos medios necesarios pa camudar l'actual redacción del anteproyectu de llei, sinón qu’acabe cuanto primero con esta situación que caltién a la llingua nun estatus de segundu orde declarando la oficialidá y criando la especialidá de Llingua Asturiana nel Sistema Educativu. 
Estos son los alcuerdos adoptaos pol profesoráu de llingua asturiana y gallego-asturiano na asamblea:
FIRMA EQUÍ
  • Recoyies de firmes de sofitu en CHANGE.ORG y difundir la situación na rede. Petición dirixida a la Conseyera de Cultura y Educación: Nun permitas que l'asturianu desapaeza del sistema educativu
  • Apruébase un documentu pa llevar a los Claustros de los centors y a los Conseyos Escolares onde se manifiesta l'apoyu de la Comunidá Educativa a les nuestres reivindicaciones. Ver documentu
  • Cada profesor y profesora nel so aula trabayará col alumnáu pa qu'escriba cartes manifestando'l so apoyu al asturianu y pidiendo poder siguir exerciendu'l derechu a estudialu. Quedamos entregar toos xuntos estes cartes el 31 de xineru a les 17:30 de la tarde nel Rexistru Xeneral del Principáu.
  • Va pidise una reunión cola Conseyera d'Educación pa que nos informe sobre los resultaos de les reuniones col ministeriu.
  • Va consultase con “Xuristes pol Asturianu” les posibles víes xuridiques énte la contradicción de los derechos reconocíos na Llei d'usu y l'Estatutu d'Autonomía y la LOMCE.
  • Van facese peticiones de sofitu a la Defensora del Pueblu (Soledad Becerril) y a la Procuradora Xeneral del Principáu (Mª Antonia Fernández Felgueroso).
  • Contactaráse cola Univerdidá d'Uviéu pa que tanto a nivel institucional como a nivel d’asociaciones d'estudiantes se faigan posiciones públiques sobre esti tema.
  • Pidir el sofitu de los sindicatos d'educación
  • Contactar coles fuercies polítiques presentes na Xunta Xeneral pa que fagan pública la so postura sobre esti tema.
De momentu, y esperando poder cuntar en breve con una web/blog onde centralizar tola información, ta usándose’l grupu en facebook “Conceyu de Mayestros/es de Llingua asturiana”.


0 comentarios :

Publicar un comentario