¿Qué va a pasar cola xubilación docente?

Esti nuevu añu promete marcar un antes y un dempués nel sistema de prestaciones por xubilación. Pal profesoráu de la enseñanza pública trés son los cambeos fundamentales.

1. Hasta anguaño los docentes teníamos el derechu a la xubilación antemanada con 15 años de serviciu ininterrumpíu y 60 años cumplíos nel cursu académicu. El retiru taba incentiváu por dos víes: un pagu únicu según edá y años de serviciu y la medría de los años de cotización na diferencia ente 65 y los cumplíos na fecha de xubilación. Dende l'aprobación de la LOGSE esti derechu foi prorrogándose hasta la última llei orgánica (LOE) que lo prorrogó hasta la fecha culminación del so desenvolvimientu: 2011. A partir del cursu lectivu actual el derechu dexa d'esistir: acabáronse les xubilaciones antemanaes docentes.

Lleer más

ESCONTRA LOS RETAYOS NA ESEÑANZA PÚBLICA. POLA DIGNIDÁ DEL COLECTIVU INTERÍN.

La enseñanza pública asturiana ta sufriendo la receta neolliberal a la crisis. Cuando aplicaron el retayu de salarios anunciaron un amenorgamientu adicional del gastu en personal “per otres víes”. El camín taba claru: amenorgar les contrataciones de profesoráu interín. Afixéronse horarios, aumentóse la ratio d'alumnos per aula y suprimiéronse midíes d'atención a la diversidá. El cursu empezó con 300 docentes menos que l'anterior y sicasí con una mayor matrícula. La cobertura de baxes ta nel so mínimu históricu, nun se cubrir les baxes inferiores a un mes nin les producíes a la fin de trimestre y les que se cubrir facer en gran parte con profesoráu del centru al que se-y modifica temporalmente l'horariu que venía desempeñando. El resultáu ye que 800 docentes que tendríen que tar trabayando, güei tán nel paru.

Lleer más